Stikla - And Anti Matter

Þórey Björk Halldórsdóttir og Baldur Björnsson mynda hönnunartvíeykið And Anti Matter (&AM). Í verkum sínum leitast þau við að kanna skilin milli hönnunar og lista.

Á sýningunni „Blátt millispil“ í FRACAS-sýningarrýminu í Brussel í september 2018 gaf að líta ný verk tvíeykisins – ljós, koll, spegil, hljóðverk, prentverk og skúlptúra – í bland við fyrri verk, silkislæður og sérofinn textíl úr komandi línu. And Anti Matter verður með opna vinnustofu í anddyri Hönnunarsafns Íslands 15.11.2018–15.03.2019.